ربما الموضوع تحكى برشة مرات و أكيد كل عبد و موقفو مالبطالة و لكن لازم نعالجو الأمور من جذورها و إللي تنحصر في بعض النقاط حبيت كان نشاركها معاكم بمصطلحات بسيطة و بدون تعقيد متع bla bla bla politique.
- البطالة ليست قدر محتم و لكن يجب الإعتراف بأنها نتيجة لبرشة حاجات تنجم تكون دومان قرايتك موش مطلوب، ينجم يكون إنقطاع دراسي مبكر، ينجم يكون نتيجة تجارب عمل فاشلة تخللي العبد يكره الخدمة تحت غيرو... - تونس بلاد متع إللي عندو فلوس يعيش و الفرص فيها قليلة ياسر، و عندها سنين ربي تتسلف مالبلايص الكل و لكن الفلوس ماشية في تخليص قروضات أخرى، يعني سلف تحت سلف، بعبارة أوضح ما عندناش ( création d'emplois), و لكن الوالدين ديما يرميو اللوم على ولادهم : ما يحبش يخدم / كرار / نهار كامل راقد.... و الله العظيم مهما تحسسو بينا باقي ما توصلوش للتعاسة متع بابا أعطيني، أمي أعطيني و حتى كان خذينا باقي موش بش نتفرهدو على راحتنا، ديما ناقصة برشة حاجات و زيد بخلاف هذا راهو قد ما تطوال المدة الواحد يزيد يشك في روحو، يقول (لعل العيب فيا)... - التعليم : نعم التعليم في تونس هو سبب كل المصائب، راهو الإنسان ما يتولدش " بهيم "، السيستام كيف يكون مشلول راهو نتيجتو بش تكون معاقة. القراية نوع و الخدمة نوع، فما إختصاصات يجب أن تندثر، فما تطور علمي، و تكنولوجي يجب مجاراتهما... موش معقول راهو نفس المراجع و الكتب من عام ثمانين. - القطاع الخاص : العبودية الجديدة بعبارة أوضح، يدهكو عليك و يربحو منك مرات قد شهريتك، يعني عادي عشرين خدام مع بعضهم يخلصو "ربع" مرابيح صاحب الشركة و هذا هو المعدل في تونس. بعث المشاريع : من الجانب الإحصائي ما نجمش نحسم فيها المسألة بين : ( الأفكار موجودة / الأفكار غير موجودة) أما هات أعطيني بنوك تمويل للمشاريع تعاون بالحق في بعث مشاريع جديدة (bts/bfpme) , ساقيك تحفى بالمشي و الجيان مبعد يقلك لا ما نجموش... - ما نيش مالناس إللي تقول كي تتسكر الدنيا عندك : الحرقة / داعش / تسكت و تعيش تحت السباط أما لو كان فما حاجة نساندها راهي " الهجرة " فما بلدان بلاش تأشيرة في العالم و الفرص فيها متوفرة بكثرة، و الوقت الضايع بطالة في تونس تنجم تربحو في بلاد أخرى و توللي تنتج. - الأرتيكل الكل، حكيت على أساس البطالة مسألة تهم الذكورة فقط و لكن في كلمة و رأي شخصي : المرا زادة عندي لازمها تكون تخدم و تثبت وجودها خاتر إحتقار لذاتك كبشر أنك تعيش تحت ضل واحد يصرف عليك بش تتشخلع و تتفوخر بيه على صحباتك خاتر قيمة البشر عندي تنحصر في : الأخلاق و الفكر. ربي يفرج كربكم الناس الكل و راهي تونس على مراد الله، تعيش إنت... هاجروا، أرض ربي واسعة و عريضة!
- البطالة ليست قدر محتم و لكن يجب الإعتراف بأنها نتيجة لبرشة حاجات تنجم تكون دومان قرايتك موش مطلوب، ينجم يكون إنقطاع دراسي مبكر، ينجم يكون نتيجة تجارب عمل فاشلة تخللي العبد يكره الخدمة تحت غيرو... - تونس بلاد متع إللي عندو فلوس يعيش و الفرص فيها قليلة ياسر، و عندها سنين ربي تتسلف مالبلايص الكل و لكن الفلوس ماشية في تخليص قروضات أخرى، يعني سلف تحت سلف، بعبارة أوضح ما عندناش ( création d'emplois), و لكن الوالدين ديما يرميو اللوم على ولادهم : ما يحبش يخدم / كرار / نهار كامل راقد.... و الله العظيم مهما تحسسو بينا باقي ما توصلوش للتعاسة متع بابا أعطيني، أمي أعطيني و حتى كان خذينا باقي موش بش نتفرهدو على راحتنا، ديما ناقصة برشة حاجات و زيد بخلاف هذا راهو قد ما تطوال المدة الواحد يزيد يشك في روحو، يقول (لعل العيب فيا)... - التعليم : نعم التعليم في تونس هو سبب كل المصائب، راهو الإنسان ما يتولدش " بهيم "، السيستام كيف يكون مشلول راهو نتيجتو بش تكون معاقة. القراية نوع و الخدمة نوع، فما إختصاصات يجب أن تندثر، فما تطور علمي، و تكنولوجي يجب مجاراتهما... موش معقول راهو نفس المراجع و الكتب من عام ثمانين. - القطاع الخاص : العبودية الجديدة بعبارة أوضح، يدهكو عليك و يربحو منك مرات قد شهريتك، يعني عادي عشرين خدام مع بعضهم يخلصو "ربع" مرابيح صاحب الشركة و هذا هو المعدل في تونس. بعث المشاريع : من الجانب الإحصائي ما نجمش نحسم فيها المسألة بين : ( الأفكار موجودة / الأفكار غير موجودة) أما هات أعطيني بنوك تمويل للمشاريع تعاون بالحق في بعث مشاريع جديدة (bts/bfpme) , ساقيك تحفى بالمشي و الجيان مبعد يقلك لا ما نجموش... - ما نيش مالناس إللي تقول كي تتسكر الدنيا عندك : الحرقة / داعش / تسكت و تعيش تحت السباط أما لو كان فما حاجة نساندها راهي " الهجرة " فما بلدان بلاش تأشيرة في العالم و الفرص فيها متوفرة بكثرة، و الوقت الضايع بطالة في تونس تنجم تربحو في بلاد أخرى و توللي تنتج. - الأرتيكل الكل، حكيت على أساس البطالة مسألة تهم الذكورة فقط و لكن في كلمة و رأي شخصي : المرا زادة عندي لازمها تكون تخدم و تثبت وجودها خاتر إحتقار لذاتك كبشر أنك تعيش تحت ضل واحد يصرف عليك بش تتشخلع و تتفوخر بيه على صحباتك خاتر قيمة البشر عندي تنحصر في : الأخلاق و الفكر. ربي يفرج كربكم الناس الكل و راهي تونس على مراد الله، تعيش إنت... هاجروا، أرض ربي واسعة و عريضة!
Aucun commentaire:
Enregistrer un commentaire