السلام عليكم
السلام عليكم
السلام عليكم
هع هع هع .
عام كامل تعدى ، على نهارات تكلم فيهم الشعب التونسي و قال اللي في قلبوا الكل و بالزايد ، خرج و صاح و عيط و بات في الشارع معتصم ، و جرب العسة في الليل رغم كل شيء في وقت من الأوقات حسيت اللي بلادي أعظم بلاد في العالم ، عشنا أيامات ما تتنساش في الحومة و مع الأصحاب و الناس الكل رغم إلي نحنا نعسو على ديارنا و البرد قاتلنا لكن ، فما حاجة لمتنا هي حب الوطن و الدرابو ... أي نعم الدرابو ...
و لكن ، درابو بلادي فما شكون من 14 جانفي ما هزوش في يدو و لا غزرلو و لا عبرو من اصلو ، النهار كامل وين ما رجال البلاد تتكلم على حقوقها في مطالب ثورتها ، هو يجيب درابوه ( الأزرق ذو الحمامة ) متع بلادو ، و يزدم ينبر و يكفر في الناس ، تي بالحرام شيء ينطق ، إحشم على روحك و نحي الأحزاب على جنب ، فيق راك عملت العار ، تاكلوا الغلة و تسبوا الملة ؟ تي منين عايش و شكون قراك و شكون ردك راجل ( بالطبيعة موش الكل ) ؟
علاش ، نلومو على التجمع في الولاء لبن علي ؟ تي هاو عندنا اليوم عباد قد ما حزبهم يزلع باقي يحارب عليه ، بقلب و رب تحت إسم الأغلبية ... تي أغلبية شنوا ؟
كان ، نتوما 41% ، نحنا 59% توانسة ...
بالله ، هاو النشيد الوطني إنزل هنا يطلعلك ، لعل تتفكر أصلك و يرجعلك شاهد العقل و تحشم على روحك عمرك فات ال-30 و بطال لا خدمة لا والو ، زعيم كان تمد في يديك لبوك تاخو في المصروف ، خمم في غدوة منين باش تعيش ... زعمة اللوغة العربية و النقاب و ازلام قطر باش يوكلك و يشربوك ؟؟؟
برى ليلتك زينة و الله يهديك يا تونسي !!!
